«Навои ватан»- дастгири ҷавонони эҷодкор

Душанбе, 3 сентябр. (АМИТ «Ховар», Дилшодаи Хайруллоҳ). Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон бо мақсади таблиғи ғояҳои миллӣ, ифтихор аз ватану ватандорӣ, дастгирии ҷавонони эҷодкор бо ҳунари сарояндагӣ дар жанрҳои мусиқии миллӣ ва эстрадӣ дар доираи татбиқи барномаи давлатии тарбияи ватандӯстии ҷавонон бахшида ба 21-умин солгарди bстиқлолияти давлатӣ 2 сентябри соли равон дар Кохи Ҷомӣ фестивали сурудҳои ватандӯстонаи «Навои ватан-ро бо иштироки афсарону сарбозони мақомоти қудратии мамлакат ва ҳунармандони ҷавони Театри опера ва балети ба номи С. Айнӣ доир намуд.   Дар фестивал сурудҳои ватанпарастонаи «Ватан», «Тоҷикистон», «Меҳри ватан», «Ваҳдат», «Дӯстӣ», «Қасам» аз ҷониби ҳунармандон садо доданд. Дар анҷоми чорабинӣ ҳамаи ширкаткундагон бо сипосномаву тӯҳфаҳои хотиравии Кумита қадрдонӣ шуданд.