«Восили Тобон» ба кор шурӯъ кард
Душанбе, 17 сентябр.(АМИТ «Ховар», Кристина Эрлих).- Дар шаҳри Қайроққум корхонаи нави хурди тавлиди гаҷи Ҷамъияти масъулияташ маҳдуди «Восили Тобон» ба кор шурӯъ намуд. Корхона бо ибтикори Вазорати энергетика ва саноати Ҷумҳурии Тоҷикистон мутобиқи Қарори Ҳукумати ҶТ аз 21 апрели соли 2012 «Дар бораи ташкили корхонаҳои саноатӣ дар ҶТ барои солҳои 2012-2013» таъсис ёфтааст. Тавре ки дар Вазорати энергетика ва саноат ба мухбири АМИТ «Ховар» хабар доданд, иқтидори солонаи корхонаи нав истехсоли 120 тонна гаҷ мебошад. Мувофиқи маълумоти Вазорати энергетика ва саноати ҶТ, то имрӯз дар ҷумҳурӣ панҷ корхонаи тавлиди гаҷ фаъолият доранд, ки дар онҳо 103 нафар машғули коранд. Иқтидори умумии солонаи ин корхонаҳо 60 ҳазор тонна гаҷро ташкил медиҳад. Тайи ҳашт моҳи соли равон дар ҷумҳурӣ 8 ҳазору 207 тонна гаҷ тавлид шудааст, ки назар ба ҳамин давраи соли гузашта 593 тонна зиёд аст. Бо дастгирии Ҷамъияти масъулияташ маҳдуди «Ороиш» моҳи сентябри соли ҷорӣ дар шаҳри Исфара боз як корхонаи тавлиди гаҷ ба кор шурӯъ мекунад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
