Боздиди Александр Сичев аз АНММ
Душанбе, 19 октябр. (АМИТ «Ховар», Лутфия Эшонқулова). – Мулоқоти директори Агентии назорати маводи мухаддири назди Президенти ҶТ Рустам Назаров бо намояндаи навтаъйини минтақавии Раёсати Созмони Милали Муттаҳид оид ба маводи мухаддир ва ҷинояткорӣ дар Осиёи Марказӣ Александр Сичев баргузор гардид, ки мақсад аз он шиносоӣ бо фаъолияти Агентии назорати маводи мухаддир ва муҳокимаи дурнамои ҳамкориҳои минбаъда буд.Дар ҷараёни мулоқот директори Агентӣ аз вазифаҳои ин муассиса нақл карда, меҳмони олиқадрро бо вазъи маводи мухаддир дар Тоҷикистону Афғонистон, ҳамчунин дар минтақаи Осиёи Марказӣ шинос намуд.Ҷонибҳо аз рушди ҳамкории Ҷумҳурии Тоҷикистон ва Раёсати СММ дар муборизаи зидди қочоқи маводи мухаддир ва ситезаҷӯӣ дар ҷомеаи имрӯза изҳори қаноатмандӣ намуданд. Александр Сичев дар навбати худ дастовардҳои Агентиро дар муборизаи зидди гардиши ғайриқонунии маводи мухаддир ба дараҷаи баланд арзёбӣ намуда, фаъолияти муваффақонаи мақомоти ҳифзи ҳуқуқи ҷумҳуриро дар амри ҷилавгирии ба кишвар ворид намудани маводи мухаддир зикр намуд.Дар ин бора аз маркази матбуоти Агентии назорати маводи мухаддир ба АМИТ «Ховар» хабар доданд.
Дар шаҳри Душанбе дарси маҳорати байналмилалӣ оғоз гардид
Дар ноҳияи Рӯшон кишти баҳорӣ оғоз гардид
Имрӯз дар Тоҷикистон бориши борон пешгӯӣ мешавад
Имрӯз дар Тоҷикистон чангу ғубор ба амал меояд
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
Имрӯз дар водиҳои Тоҷикистон ҳаво то 31 дараҷа гарм мешавад
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
