Корҳои тавзеҳотии АНММ

Душанбе, 19 октябр. (АМИТ «Ховар», Лутфия Эшонқулова). – 30 нафар кормандони Агенти назорати маводи мухаддири назди Президенти ҶТ дар ҳошияи амалиёти сохторҳои ҳифзи хуқуқ таҳти унвони «Кӯкнор – 2012» ба Вилояти Мухтори Кӯҳистони Бадахшон ва вилояти Хатлон фиристода шуданд.Тавре ки аз маркази матбуоти Агентӣ ба АМИТ «Ховар» хабар доданд, дар вилоятҳои номбурда баробари иҷрои корҳои таъҷилӣ ҷиҳати баланд бардоштани дараҷаи воқифияти аҳолии минтақа аз таъсири бади маводи мухаддир ва тарғиби тарзи солими зиндагӣ чорабиниҳои зарурӣ роҳандозӣ мешаванд. Мувофиқи маълумоти манбаъ, ғайр аз ин ба манзури афзун намудани самараи фаъолияти ҳукуматҳои шаҳру ноҳияҳои вилоятҳои зикршуда дар кори байни аҳолӣ ва хусусан наврасону ҷавонон ҷаласаҳои шӯроҳои маҳаллии ҳамоҳангсозӣ оид ба истеъмоли маводи нашъаовар доир мегарданд.