Муҳокимаи вазъияти муҳоҷират

Душанбе, 15 октябр. (АМИТ «Ховар», Лутфия Эшонқулова). – Чанде пеш дар Қирғизистон ҷаласаи 12 -уми Шӯрои роҳбарони мақомоти муҳоҷирати давлатҳои аъзои ИДМ ва ҷаласаи 11 – уми Шӯрои оид ба сиёсати муҳоҷирати назди Кумитаи ҳамоҳангсозии ҳамкории иқтисодии АвруОсиё баргузор гардид. Мувофиқи хабари дафтари матбуоти Хадамоти муҳоҷират, дар ҷаласаи Шӯрои роҳбарони мақомоти муҳоҷирати кишварҳои ИДМ сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев аз рӯи масъалаи вазъияти муҳоҷират дар давлатҳои аъзои Иттиҳод сухан кард. Иштирокдорони ҷаласа ҳамчунин масоили татбиқи қарорҳои Шӯрои сарони давлатҳо, Шӯрои роҳбарони ҳукуматҳо, Шӯрои вазирони корҳои хориҷии ИДМ ва Шӯрои роҳбарони мақомоти муҳоҷирати давлатҳои аъзои ИДМ дар бахши муҳоҷиратро мавриди муҳокима қарор доданд.Аз рӯи ҳамаи масъалаҳо қарорҳои дахлдор қабул шуданд.