Созишнома миёни ДДК ва донишгоҳҳои беҳтарини Аврупо
Душанбе, 30 октябр. (АМИТ «Ховар», Зарангез Латифова) .- Дар ҷазираҳои Қанар миёни Донишгоҳи давлатии Кӯлоб ва донишгоҳҳои Аврупо дар бораи ҳамкории минбаъдаи фаъол як силсила созишномаҳо ба имзо расиданд. Мувофиқи иттилои муовини ректори Донишгоҳи давлатии Кӯлоб оид ба робитаҳои байналмилалӣ Додарбек Сайдалиев, бо Донишгоҳи Лас Палмас (ҷазираҳои Қанар), Донишкадаи корҳои бонкӣ (Прага, Чехия), Донишгоҳи Генуя (Италия), Мактаби тиҷорати Хаддерфилд (Британияи Кабир) ва Донишгоҳи Лас Ислас Балеарес (Испания) созишномаҳои ҳамкорӣ ба имзо расиданд. Ба иттилои ӯ: «Дар чаҳорчӯби созишномаҳои мазкур донишҷӯёну ҳайати омӯзгорони Донишгоҳи Кӯлоб имкон пайдо мекунанд, ки дар муассисаҳои таълимии пешқадами Аврупо ба таҳсилу таҳқиқот машғул шаванд». Лоиҳаи мазкур дар доираи барномаи «Еразмус Мундус» амалӣ гардида, аз ҷониби Иттиҳоди Аврупо маблағгузорӣ мешавад. Ҳамчунин ғайр аз Донишгоҳи давлатии Кӯлоб Вазорати маорифи Тоҷикистон ва Донишгоҳи давлатии Хуҷанд низ дар ин лоиҳа иштирок доранд. Бояд гуфт, ки барои таҳсил ва такмили ихтисос дар чаҳорчӯби барномаи «Еразмус Мундус» (Erasmus Mundus) дар давоми солҳои 2007-2012 дар донишгоҳҳои Аврупо ба донишҷӯёну омӯзгорони Тоҷикистон 316 идрорпулӣ (стипендия) ҷудо шудааст.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
