Тоҷикистон дар озмун мағлуб гардид
Душанбе, 15 октябр. (АМИТ «Ховар», Мавҷуда Анварӣ). — Дар толори консертии меҳмонхонаи «Космос»-и шаҳри Маскав озмуни 13-уми байналмилалии ҳофизони Қуръони маҷид доир гардид.Дар озмун намояндагони 34 кишвари ҷаҳон, аз ҷумла аз Ҷумҳурии Тоҷикистон ҳофизи ҷавони Қуръон Мифтоҳиддин Исломзода иштирок карданд.Раиси Шӯрои муфтиёти Русия, президенти озмуни байналмилалии ҳофизони Қуръон дар шаҳри Маскав, муфтӣ Равил Ғайнуддин ва Раиси Шӯрои уламои Маркази исломии Тоҷикистон Сайидмукаррам Абдуқодирзода дар маҳфил иштирок ва суханронӣ карданд.Озмун дар ду давр баргузор гардида, аъзои доварон (аз Шоҳигарии Арабистони Саудӣ, Малайзия, Федератсияи Русия, Ҷумҳурии Туркия, Ҷумҳурии Яман) ба даври ниҳоӣ 7 нафар ҳофизони Қуръонро аз Арабистони Саудӣ, Кувайт, Миср, Тунис, Урдун, ИМА ва Яман сазовор донистанд.Аз ҷониби доварон намояндаи Тунис – Марзук Ҳуссем ғолиби озмун ва намояндагони Яману Кувайт сазовори ҷойҳои дуюму сеюм дониста шуданд.Дар ин бора аз Хадамоти матбуоти Сафорати Ҷумҳурии Тоҷикистон дар Федератсияи Русия ба АМИТ «Ховар» иттилоъ доданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
