Бахшида ба 3 ҳазорсолагии Ҳисор

Ҳисор, 5 ноябр. (АМИТ «Ховар», Ҳотам Рабиев).- Нашриёти «Ирфон» китоби нави нависанда ва шоири боистеъдод Султонмуроди Одинаро таҳти унвони «Қиссаҳо аз таърихи Ҳисор» нашр намуд. Дар китоб якчанд қиссаи таърихии Ҳисор бозгўйӣ шудааст ва он дастури муфидест барои мактаббачагон ва дўстдорони таърихи Ҳисор ва Тоҷикистон . Махсусан бобҳои «Қиссаи Таҳмураси Девбанд», «Ҳиммати Кайқубод», «Ишқи духтари шоҳи Ҳамоварон», Қиссаи Ҳазрати Алӣ (р) ва Қаҳқаҳаи ҷоду, «Низаки ҳисорӣ», «Қиссаи Бобо Парвоначӣ» хеле ҷолиб ва хонданибоб аст.