Баррасии вазъи иншооти гармидиҳӣ дар ҳузури О. Оқилов
Душанбе, 17 декабр. (АМИТ «Ховар», Дилшодаи Хайруллоҳ).- 15 декабри соли равон дар ҳузури Сарвазири Ҷумҳурии Тоҷикистон Оқил Оқилов вобаста ба масоили фаъолияти имрӯза ва навсозии иншооти Маркази барқу гармидиҳии шаҳри Душанбе машварати корӣ баргузор шуд. Тавре ки таъкид шуд, бо мақсади барқарор кардани ҳолати истеҳсоли оби гарм дар дегхонаи ғарбии МБГ сохтмони иншооти нав ва насби таҷҳизоти ҳозиразамон ба нақша гирифта шудааст, ки қисман аз ҳисоби маблағҳои мақомоти иҷроияи маҳаллии ҳокимияти давлатӣ дар шаҳри Душанбе ва қисман аз ҳисоби маблағҳои Ширкати саҳомию холдингии кушодаи «Барқи тоҷик» ба анҷом расонида мешаванд. Маблағи сохтмони мазкур зиёда аз 32 миллион сомониро ташкил медиҳад. Оқил Оқилов ба зарурати дигаргунсозии дегхонаи ғарбии МБГ барои таъминоти аҳолии пойтахти мамлакат бо оби гарм ва барқ махсус таъкид карда, барои тезонидани корҳои сохтмонӣ, дастрас кардани таҷҳизоти зарурии замонавӣ, истифодаи самараноки маблағҳои пешбинишуда ва анҷоми босифати корҳо ба масъулин дастуру супоришҳои мушаххас дод.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
