Муҳокимаи масъалаи ҳамкорӣ дар сарҳад

Душанбе, 14 декабр. (АМИТ «Ховар»). – Чанде пеш гурӯҳҳои корӣ аз ҷумлаи намояндагони ҳокимиятҳои маҳаллӣ ва мақомоти ҳифзи ҳуқуқи Тоҷикистону Қирғизистон дар шаҳри Қайроққуми вилояти Суғд ба манзури табодули таҷриба барои беҳдошти ҳамкории байни иттиҳодияҳои ҳар ду ҷониб дар бахши сарҳадот мулоқот анҷом доданд.Намояндагони ҳокимияти маҳаллии вилояти Суғди Тоҷикистон ва вилояти Боткени Қирғизистон натиҷаи татбиқи дурнамои ҳамкорӣ дар соли 2012 – ро мавриди муҳокима қарор дода, нақшаи кори минбаъда барои беҳдошти ҳамкорӣ дар сарҳадро тасдиқ намуданд. Гурӯҳҳои кории Тоҷикистону Қирғизистон дар тренинги беҳдошти ҳамкории байни сохторҳои наздисарҳадӣ дар шаҳри Исфара иштирок карданд.Дар назар аст, ки тадбирҳои зикршуда ба рушди ҳамкории байни иттиҳодияҳои маҳаллии Тоҷикистону Қирғизистон мусоидат хоҳад кард.Вазифаҳои барномаи мазкур иборат аз таҳкими амнияти Осиёи Марказӣ ва дастгирии тиҷорату транзити қонунӣ, ҳамчунин ҷилавгирии сарҳадҳои кишварҳои Осиёи Марказиро хилофи қонун убур кардани одамон мебошад. Дар ин бора аз намояндагии Иттиҳоди Аврупо дар Тоҷикистон ба АМИТ «Ховар» хабар доданд.