Мулоқот бо роҳбарияти ХФМ Русия

Душанбе, 11 декабр. (АМИТ «Ховар», Лутфия Эшонқулова ). – Чанде пеш дар шаҳри Маскав мулоқоти роҳбари Намояндагии Хадамоти муҳоҷирати назди Ҳукумати ҶТ дар ФР Асрор Одинаев бо муовини роҳбарияти Хадамоти федералии муҳоҷирати Федератсияи Русия Анатолий Кузнетсов баргузор гардид. Тавре ки хадамоти матбуоти намояндагӣ хабар дод, зимни мулоқот масоили буду боши қонунии шаҳрвандони Тоҷикистон дар ҳудуди Русия, аз ҷониби мақомоти минтақавии Хадамоти федералии муҳоҷирати Русия дастраси муҳоҷирон намудани санадҳои иҷозатдиҳанда ва масъалаҳои дигар мавриди муҳокима қарор гирифтанд.Асрор Одинаев ба муҳосиби худ аз фаъолияти намояндагӣ дар амри ҳифзи ҳуқуқҳои муҳоҷирони меҳнатии тоҷик ва ҳамкорӣ бо мақомоти минтақавии Хадамоти федералии муҳоҷирати Русия ва ғайра нақл кард.Анатолий Кузнетсов дар навбати худ қайд намуд, ки он шаҳрвандони Тоҷикистон, ки иҷозатномаҳои қонуниро барои фаъолияти меҳнатӣ ба даст овардаанд, мутобиқи қонунгузории Русия метавонанд мӯҳлати иқомати худро дар ҳудуди Русия ба муддати то 1 сол тамдид кунанд.