Бонки аврупоӣ лоиҳаҳои КВД «ХМК»-ро дастгирӣ мекунад

Душанбе, 10 январ. (АМИТ «Ховар», Мавзуна Бойева). — Дар миқёси чумҳурӣ аз 65 партовгоҳҳои сатҳи маишии мавҷуда танхо дар 3 партовгоҳ, аз ҷумла дар шаҳрҳои Душанбе, Хуҷанд ва Ёвон безараргардонии партовҳо пурра ба роҳ монда шуда, дар дигар шаҳру ноҳияҳо он қисман ташкил шудааст, гуфт зимни нишасти матбуотӣ ба хабарнигорон сардори КВД «Хоҷагии манзилию коммуналӣ» Алимурод Тағоймуродов. «Баҳри ободонии партовгоҳҳо ва ташкили коркарди партовҳои сахти маишӣ КВД «Хоҷагии манзилию коммуналӣ» лоиҳаҳои инвеститсионӣ таҳия намуда, барои маблағгузорӣ ба ташкилотҳои хориҷӣ пешниҳод намудааст. Маблағгузории лоиҳаҳои мазкур аз тарафи Бонки тачдид ва рушди Аврупо дастгирӣ ёфта, корҳо дар ин самт идома доранд», — таъкид кард А.Тағоймуродов.