Намоиши аксҳо аз таърихи равобити Чину Тоҷикистон
Душанбе, 27 феврал. (АМИТ «Ховар», Баҳманёр Муродов).- Дар маркази шаҳри Пекин бахшида ба 20-умин солгарди нахустдидори сарони давлатҳои Чину Тоҷикистон намоиши аксҳо бо номи «Тоҷикистону Чин дар оинаи таърих» баргузор гардид. Бино ба иттилои Вазорати корҳои хориҷии кишвар дар маросими ифтитоҳи ин чорабинӣ Сафири Фавқулодда ва Мухтори Ҷумҳурии Тоҷикистон дар Чин Рашид Олимов, сафирони ҷумҳуриҳои Беларус, Қазоқистон, Ӯзбекистон, Туркманистон ва масъулони Вазорати корҳои хориҷии Чину намояндагони давлатҳои дигар иштирок намуданд. Сафири Тоҷикистон дар оғози намоиш иброз намуд, ки «Бист сол қабл дар дидори таърихии Президенти Тоҷикистон Эмомалӣ Раҳмон ва роҳбари вақти Чин Сзян Сзэмин заминаи устувор барои ҳамкориҳои ояндаи ду кишвар барои муддати дурудароз гузошта шуд ва то имрӯз ҳамкориҳои гуногунҷанбаи мо дар сатҳи баланд идома доранд ». Гуфта мешавад дар ин намоиш аксҳое ба маърази тамошо гузошта шудаанд, ки баёнгари ҳамкориҳои босуботи ду давлати дӯсту ҳамсоя ҳастанд. Намоиши аксҳо аз таърихи ҳамкориҳои Тоҷикистону Чин то 14-уми март идома меёбад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
