Созишномаи навбатӣ дар соҳаи муҳоҷират
Душанбе, 7 феврал. (АМИТ «Ховар», Ибодат Давлатова).- Пагоҳ, 8 феврали соли ҷорӣ дар Маскав байни Ҷумҳурии Тоҷикистон ва Федератсияи Русия Созишнома дар бораи тартиби будубоши шаҳрвандони Ҷумҳурии Тоҷикистон дар қаламрави Федератсияи Русия ба имзо мерасад. Дар асоси ин Созишнома шаҳрвандони Ҷумҳурии Тоҷикистон, ки муваққатан дар қаламрави ФР қарор доранд, аз қайдгузорӣ дар мақомоти дахлдори ФР ба муддати 15 рӯз озод мегарданд. Бояд гуфт, ки муҳлати бақайдгирӣ барои шаҳрвандони ҶТ барои имрӯз дар қаламрави ФР то 7 рӯз мебошад. Ба Созишномаи мазкур сардорони сохторҳои муҳоҷирати ду кишвар- сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев ва роҳбари Хадамоти муҳоҷирати Федеролии Русия Константин Ромодановский имзо хоҳанд гузошт. Бо ин мақсад имрӯз сардори ХМ ҶТ С.Девонаев ба Маскав сафар намуд. Дар ин бора ба мухбири АМИТ «Ховар» аз Хадамоти муҳоҷират хабар доданд.
5 феврал дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
