«Силро боздоред, ҳоло ки ман зиндаам»
Душанбе, 29 март. (АМИТ «Ховар», Ибодат Давлатова).- Дирӯз бахшида ба Рӯзи умумиҷаҳонии мубориза бар зидди бемории сил таҳти шиори «Силро боздоред, ҳоло ки ман зиндаам» дар толори «Кохи Ҷомӣ» бо иштироки намояндагони ҳукумати ҷумҳурӣ, Вазорати тандурустӣ ва ташкилотҳои байналмилалӣ шоу-барномаи фарҳангӣ баргузор гардид. Мақсади асосии Рӯзи умумиҷаҳонии мубориза бар зидди бемории сил ҷалби таваҷҷуҳи ҳукумат ва ташкилотҳои ҷамъиятӣ ба масъалаи мазкур ва қавӣ гардонидани ин ҳамкорӣ дар Ҷумҳурии Тоҷикистон аст. Дар чорабинӣ масъулин аз талошҳои дастаҷамъӣ бар зидди бемории сил сухан ронда, аз ҷумла pbrh намуданд, ки тибби муосир дар самти табобати бемории сил муваффақ аст ва гирифторони ин беморӣ пурра метавонанд шифо ёбанд, ба шарте ки сари вақт ба муассисаҳои тиббӣ муроҷиат намуда, аз ташхис гузаранд ва муҳлати пурраи табобатро риоя намоянд. Инчунин дар чорабинӣ ба рӯзноманигорон барои нашри мақолаи беҳтарин дар нашрияҳо ва сомонаҳои интернетӣ, барномаҳои радио ва телевизион ва роликҳои иҷтимоӣ оид ба бемории сил ва сироятҳои ҳамбастаи БС/ВНМО, ҳамчунин ба табибони силшинос ва ҳамшираҳои шафқат ифтихорнома ва мукофотҳо тақдим гардид.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
