Ба ҳалокат расидани 7 нафар дар садама
Душанбе, 29 апрел. (АМИТ «Ховар», Лутфия Эшонқулова).- Дирӯз 7 нафар дар натиҷаи садама дар ҷануби кишвар ба ҳалокат расиданд.Тавре ки сомонаи расмии ВКД хабар медиҳад, рӯзи 28 апрел ронандаи мошини тамғаи Opel Vectra, таҳти идораи Пайрав Ашӯров, соли таваллудаш 1985, сокини ноҳияи Шӯрообод ҳангоми ҳаракат аз самти ноҳияи Шӯрообод ба самти шаҳри Душанбе дар километри 144-ум роҳи мошингарди ҳудуди ноҳияи Данғара, наздикии деҳаи Қаюмобод, қоидаи ҳаракати роҳро дағалона вайрон намуда, ба самти муқобили ҳаракати роҳ баромада ба мошини тамғаи Opel Astra , таҳти идораи ронанда Сабуров Баҳриддин Шоевич, соли таваллудаш 1990, сокини ноҳияи Восеъ, ки аз самти шаҳри Душанбе ба самти шаҳри Кӯлоб ҳаракат мекард, бармехӯрад. Дар натиҷа ронандаи мошини тамғаи Opel Vectra шаҳрванд Ашӯров Пайрав ва 3 мусофири мошини мазкур, инчунин 3 мусофири мошини Opel Astra дар ҷойи ҳодиса ба ҳалокат расида, ронандаи мошини тамғаи Opel Astra Баҳриддин Сабуров ва мусофири мошини ӯ Суннатуллои Шералӣ, соли таваллудаш 1989 бо ҷароҳатҳои ҷисмонӣ дар беморхонаи марказии ноҳияи Восеъ бистарӣ мегарданд. Нисбат ба ҳодисаи мазкур корҳои тафтишотӣ идома доранд.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
