Таҷлили 50 – солагии эҷодиёти Ҳақназар Ғоиб

Муъминобод, 21 май. (АМИТ «Ховар», С.Холов). – Дар ноҳияи Муъминобод бахшида ба 50 – солагии эҷодиёти Шоири халқии Тоҷикистон Ҳақназар Ғоиб чорабинии фарҳангӣ доир гардид. Дар чорабинӣ Ҳақназар Ғоиб, Хосият Вализода, Абдулҳай Қаландар, Муҳаммад Ризодшоир ва ҳунарпеша, намояндаи Анҷумани Пайванд» дар вилояти Суғд Сайёд Гулов, шоир ва муҳаққиқи адабиёти форсу тоҷики Ҷумҳурии Исломии Эрон доктор Кайвон Паҳлавон, адабиётшинос ва мусиқишиноси Ҷумҳурии Исломии Эрон Суҳайло Халилӣ, узви анҷумани «Пайванд» — и Ҷумҳурии Афғонистон Саид Қодири Муҷаддадӣ ва дигар шоирону нависандагон ширкат варзиданд. Мақсад аз гузаронидани ин чорабинӣ шинос кардани мардум бо ҳаёт ва фаъолияти Шоири халқии Тоҷикистон Ҳақназар Ғоиб ва ба ин васила ҳамаҷониба дастгирӣ кардани Паёми Президенти мамлакат ба Маҷлиси Олӣ буд. Дар ҷараёни чорабинӣ шоирон ва меҳмонон аз эҷодиёти худ шеърҳо қироат карда, табъи ҳозиринро болида гардониданд.