Қурбҳои асъори хориҷӣ дар бозори дохилии асъор каме коҳиш ёфтанд

Душанбе, 7 июн. (АМИТ «Ховар», Покиза Маҳмадбекова) — Қурби доллари ИМА дар давоми ҳафтаи равон дар нуқтаҳои мубодилаи асъори шаҳрҳои Душанбе, Хуҷанд ва дигар минтақаҳои ҷумҳурӣ каме паст шуда, ба ҳисоби миёна дар атрофи 4,86 — 4,88 сомонӣ қарор гирифт. Аз рӯи иттилои хадамоти матбуоти Бонки миллии Тоҷикистон, дар ин давра қурби миёнаи амалиёт бо рубли русӣ ва евро низ андаке паст шуда, мувофиқан ба 1513 — 152 ва 6,28-6,30 сомонӣ баробар шуд. Имрӯз қурби миёнаи доллари ИМА дар нуқтаҳои мубодилаи асъори шаҳри Душанбе 4,86-4,88 сомонӣ, дар шаҳри Хуҷанд 4,86-4,87 сомонӣ ва дар шаҳри Қурғонтеппа 4,86-4,88 сомониро ташкил намуд.