Овоздиҳӣ дар Кӯлоб ва Муъминобод

Душанбе, 6 ноябр. (АМИТ «Ховар», С. Холов).-Дар ҳавзаи интихоботии №45-и шаҳри Кӯлоб, ки шумораи интихобкунандагонаш 88 ҳазору 531 нафарро ташкил мекунад, то ин муддат 35 дарсади он раъйи худро додаанд.
Тавре ки дар ин бора хабарнигори минтақавии АМИТ «Ховар» аз ҳавзаи мазкур хабар медиҳад, феълан дар шаҳри Кӯлоб 55 участкаи интихоботӣ амал мекунад, ки дар онҳо барои сокинон шароити хуб фароҳам оварда шудааст. Ба иттилои манбаъ, қуттии сайёр барои 259 нафар сафарбар шудааст. 
Ҳамчунин дар ноҳияи  Муъминобод барои 82 ҳазор овоздиҳанда 40 участкаи интихоботӣ амал мекунад, ки аз ин шумора 36 ҳазору 112 нафар бори аввал овоз медиҳад. Гуфта мешавад, то ин муддат 25 дарсади аҳолӣ  овози худро барои номзадҳои арзанда додаанд.