Қазоқистон аз нигоҳи ВАО — и хориҷӣ

Душанбе, 10.04.2014. (АМИТ «Ховар, Кристина  Эрлих). — Иттифоқи  журналистони  Қазоқистон  бо  дастгирии  Вазорати   корҳои  хориҷии  ин  кишвар  озмуни «Қазоқистон  аз  нигоҳи  ВАО — и  хориҷӣ»  барои  маводи  беҳтарини  дар  ВАО — и  хориҷӣ  дарҷшударо  эълон  мекунад.  Дар  ин  бора  аз  Сафорати  Қазоқистон  дар  Тоҷикистон  ба  АМИТ «Ховар»  хабар  доданд. 
Мувофиқи  суханони  манбаъ,  фазои  ҷуғрофии  озмун   панҷ  минтақаро  аз  қабили Амрикои Ҷанубию  Шимолӣ,  Аврупо,  ИДМ,  Шарқи  Наздику  Миёна, Осиёю Австралия  ва  кишварҳои  Океания  фаро  гирифта, аз  ҳар  минтақа  як  ғолиб  муайян  карда  мешавад. 
Барои  иштирок  дар  озмун  бояд  маводи  ҳаҷмаш  на  бештар  аз  1500  калимаи  дар  давраи  аз  7  апрел  то  15  июни  соли  2014  дар  ВАО — и  хориҷӣ  ба  забонҳои  англисию  русӣ чопшуда ба почтаи электронии  contest@mfa.kz  фиристода шавад.
Барои  ғолибони  озмун  боздид   аз  Қазоқистон,  аз  ҷумла  сафар  ба   шаҳри  Остона,  ҳамчунин   аввалин  маркази  якуми  кайҳоннавардии Байконур  ташкил  карда  мешавад. 
Шахсони  ҳуқуқию   воқеии  ВАО  кормандони  расмию  ғайрирасмии  васоити  ахбори омма,  ҳамчунин,   шахсони  воқеии  хориҷие, ки дар   қаламрави  Ҷумҳурии  Қазоқистон  ва  берун  аз  он  фаъолият  доранд,  метавонанд дар  озмун  иштирок намоянд.