Дидори дуюми «Равшан» ва «Ал Сувайқ» дар Душанбе

Душанбе, 10.04.2014 (АМИТ «Ховар», Ситораи Боймурод).-Бозии “Равшан”-и Кӯлоб бо «Ал Сувайқ»-и Уммон имрӯз дар варзишгоҳи марказии пойтахт баргузор мешавад. 
Тавре ки дар ин бора сомонаи Федератсияи футболи кишвар хабар додааст, ин бозии даври панҷуми Ҷоми АФК-2014 дар гурӯҳи «А» мебошад ва миёни дастаҳои «Равшан» ва «Ал Сувайқ» бозии дувум буда, дар ин бозӣ гурӯҳи ҳакамон аз Мянмар бо раҳбарии Чо Вини, довари ФИФА хидмат мекунанд. 
Ёдовар мешавем, дар бозии аввали ин дастаҳо, ки 25-уми феврали соли равон  дар Уммон барпо гардид, “Равшан” аз «Ал Сувайқ” бо ҳисоби 1-3 мағлуб шуд.