Ду медали тиллои варзишгарони тоҷик дар чемпионати Осиё
Душанбе, 21.04.2014.(АМИТ «Ховар», Зарангези Латиф).-Аз 18-ум то 23-юми апрели соли равон дар шаҳри Катмандуи кишвари Непал чемпионати Осиё оид ба таэквондо ИТФ ҷараён мегирад. Дар рӯзи аввали чорабинӣ Алишер Ахмедов ва варзишгарбонуи тоҷик Гулрӯ Ҳоҷиева соҳиби медали тилло шуданд. Тибки иттилои ноиби раиси Федератсияи таэквондо ва кикбоксинги кишвар Наргис Набиева, ҳамчунин Парвиз Муродзода ва Гулноз Ҳоҷиева медали нуқра ба даст оварданд.Дар айни замон варзишгарони мо аз рӯи ҳисоби даставӣ ҳам миёни бонувон ва ҳам писарон дар мақоми аввал қарор доранд ва ин зинаҳои ифтихорӣ аз рӯи машқҳои маҷмӯӣ ба даст оварда шудаанд. Ёдрас мекунем, ки барои нахустин маротиба дастаи комил дар ҳайати 50 нафар ба чорабинӣ сафарбар гардид. Бояд тазаккур дод, ки ширкат дар ин сабқат барои варзишгарони мо таҷрибаи хубест дар арафаи чемпионати ҷаҳон аз ин намуд, ки дар назар аст аз 6 то 11-уми август дар шаҳри Душанбе баргузор шавад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
