Ҷоми Каспий-2014: Тоҷикистон-Туркия

Душанбе, 02.06.2014. (АМИТ «Ховар, Мавҷуда Анварӣ). — Дастаи мунтахаби наврасони то 16-солаи Тоҷикистон оид ба футбол (U-16) ба даври ниманиҳоии сабқати байналмилалии Ҷоми Каспий-2014 роҳ ёфт, ки дар ин рӯзҳо дар пойтахти Озорбойҷон шаҳри Боку доир гашта истодааст. Дар ин бора ба АМИТ «Ховар» аз Федератсияи футболи Тоҷикистон хабар доданд.Рақибони мунтахаби наврасони Тоҷикистон дар даври ниманиҳоӣ яккачини Туркия хоҳад буд. Қувваозмоии Тоҷикистону Туркия 3 июн баргузор мешавад. Ҷоми Каспий 28 май дар пойтахти Озарбойҷон, шаҳри Боку оғоз шуд ва то 6 июн идома хоҳад кард.