Пасандозҳои шахсони воқеӣ афзуданд

Душанбе, 26.06.2014. (АМИТ «Ховар», Лайло Тоирӣ).-  Афзоиши бомароми пасандозҳо дар ташкилотҳои қарзии мамлакат аз баланд шудани боварии аҳолӣ ба низоми бонкӣ шаҳодат медиҳад. Тавре ки аз нишондиҳандаҳои охир бармеояд, бақияи пасандозҳо дар қаламрави кишвар дар моҳи майи соли ҷорӣ нисбат ба ҳамин давраи соли қаблӣ 14,8 фоиз афзуд. 
     Бино ба иттилои хадамоти матбуоти Бонки миллии Тоҷикистон, таҳлили моҳи май нишон дод, ки таркиби бақияи ҳаҷми пасандозҳоро 32,1 фоиз (1’869,5 млн. сомонӣ) пасандозҳои шахсони ҳуқуқӣ ва 67,9 фоиз (3’950,7 млн. сомонӣ) пасандозҳои шахсони воқеӣ ташкил медиҳад. 
     Мувофиқи маълумотҳои оморӣ дар моҳҳои январ-майи соли равон фоизи миёнавазни пасандозҳо бо пули миллӣ 15,33 фоиз ва бо асъори хориҷӣ 12,16 фоизи солонаро ташкил намуд.