Саршумори чорво афзуд

Душанбе, 02.06.2014. (АМИТ «Ховар, Мавҷуда Анварӣ). — Тибқи маълумоти Агентии омори назди Президенти Тоҷикистон то 1 майи соли равон дар ҷумҳурӣ шумораи гову қутос 2 млн. 089 ҳазору 600 сарро ташкил дод, ки назар ба ҳамин давраи соли гузашта 51ҳазору 300 сар (2,5%) бештар аст. Тайи ин муддат шумораи гӯсфанду буз ҳам дар муқоиса ба соли гузашта 3% афзудааст. Афзоиши саршумори чорво бештар дар Вилояти Мухтори Кӯҳистони Бадахшон (5,4%) ва ноҳияҳои тобеи ҷумҳурӣ (3,5%) мушоҳида мешавад.