«Истиқлолият»- иқдоми идонаи «Амонатбонк»

Душанбе, 19.08.2014. (АМИТ «Ховар», Лайло Тоирӣ).-   Бахшида ба 23-юмин солгарди Истиқлолияти давлатии Ҷумҳурии Тоҷикистон Бонки давлатии амонатгузории Ҷумҳурии Тоҷикистон «Амонатбонк», бо мақсади ҷалби бештари маблағҳои озоди аҳолӣ пасандози нави муҳлатноки «Истиқлолият»-ро барои ҳамаи мизоҷон пешниҳод менамояд.
Бино ба иттилои сомонаи бонки мазкур, пасандози «Истиқлолият» ба муҳлати 1 сол қабул мешавад. Фоизҳои пасандози «Истиқлолият» бо асъори миллӣ 17%-и солона ва бо асъори хориҷӣ 15%-и солонаро ташкил хоҳанд дод.   
 Муҳлати қабули маблағҳо ба пасандози «Истиқлолият» аз 09 августи 2014 то 09 ноябр  2014 муқаррар шудааст. 
Ин иқдоми «Амонатбонк» ба шаҳрвандон имконият медиҳад, то даромади фоизии маблағҳои худро таъмин намоянд. Акнун ҳамаи хоҳишмандон  имкон доранд аз ин икдом истифода намоянд. Мизоҷон метавонанд  ба ҳамаи филиалу марказҳои хизматрасонӣ  дар шаҳру ноҳияҳо муроҷиат намоянд.