Кумаки раиси шаҳри Хуҷанд ба нобиноён

Хуҷанд, 16.10.2014. (АМИТ «Ховар», Абдуаҳад Шарифзода).-Ҳамасола 15 октябр дар Ҷумҳурии Тоҷикистон чун Рӯзи нобиноён таҷлил мешавад. 
Тавре ки ба АМИТ «Ховар» аз дастгоҳи мақомоти шаҳри Хуҷанд иттилоъ доданд, дар ин сана инчунин 65- солагии таъсиси маркази хуҷандии иҷтимоӣ-эҳёкунии Ҷамъияти нобиноёни Тоҷикистон низ таҷлил мешавад. 
Ба гуфти манбаъ, роҷеъ ба ин сана  бо мақсади дастгирии иҷтимоии нобиноён мувофик ба қарори раиси шаҳри Хуҷанд Раҷаббой Аҳмадзода дар ин рӯз ба 200 нафар аъмо  50 сомонӣ кумакпулии яквақта дода мешавад. Инчунин 15 октябр дар коргоҳи мазкур чорабинии идона бо иштироки кормандони коргоҳ  доир гардид. 
Бояд гуфт, ки  ҳоло дар маркази вилоят 314 нафар аъмо дар қайд буда, аз он 66 нафараш дар коргоҳи маркази хуҷандии иҷтимоию эҳёкунии Ҷамъияти нобиноёни Тоҷикистон фаъолият мебарад.