Ошкоршавии ҷинояти роҳзанӣ

Душанбе, 22.11.2014. (АМИТ «Ховар», Муқаддас Темурзода).-Дар натиҷаи бурдани чорабиниҳои фаврӣ-ҷустуҷӯӣ шаҳрванд Қодир Саидов соли таваллудаш 1989, сокини шаҳри Душанбе, ки пеш бо моддаи 244 КҶ ҶТ суд шудааст, аз ҷониби кормандони Шӯъбаи ВКД дар ноҳияи Фирдавсӣ бо гумони содир намудани ҷинояти роҳзанӣ дастгир гардид. Назар ба иттилои ВКД ҶТ, дастгиршуда 19-уми ноябри соли ҷорӣ дар кӯчаи Деҳотии пойтахт ба воситаи корд ва истифодаи зуроварӣ аз шаҳрванд Абдукарим Нуралиев соли таваллудаш 1990, сокини ноҳияи Ҳисор, 1-адад телефони мобилии тамғаи “Самсунг Гелекси-5”-ро тасарруф намуда, аз ҷойи ҳодиса ғайб задааст. Нисбат ба далели мазкур парвандаи ҷиноятӣ оғоз гардида, тафтиш идома дорад.