Шиносоии гурўҳи Раванди Будапешт бо сохторҳои ХМ

Душанбе, 11.11.2014. (АМИТ «Ховар», Лайло Тоирӣ).- 10-уми ноябри соли 2014 шиносоии иштирокчиёни 5-уми Гурўҳи кории Раванди Будапешт — кишварҳои Шоҳроҳи абрешим бо сохторҳои Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон доир гардид.Дар ҷараёни мулоқот муовини сардори Хадамоти муҳоҷират Толибҷон Шарипов ба таври муфассал дар бораи фаъолият, дастовардҳо ва таърихи Хадамоти муҳоҷират суҳбат намуд.Тавре ки аз шуъбаи муносибатҳои байналхалқӣ ва робита бо ҷомеаи хадамот иттилоъ доданд, дар мулоқот аз ҷумла доир ба сохтори хадамот, ҳамкориҳо бо созмонҳои байналмилалӣ, ташкилотҳои ҷамъиятӣ ва ҷамъиятҳо байни иштирокчиён саволу ҷавоб сурат гирифт.Баъди анҷоми мулоқот меҳмонон аз Қалъаи Ҳисор, ки дар масири Шоҳроҳи Абрешим қарор дорад, дидан намуданд