«Кошонаи саодат» дар ноҳияи Бобоҷон Ғафуров

 
Душанбе, 3.12.2014. (АМИТ «Ховар», Лайло Тоирӣ). — Бо мақсади дар  амал татбиқ намудани Қонуни Ҷумҳурии Тоҷикистон «Дар бораи пешгирии зӯроварӣ дар оила» ва пешгирии вайроншавии оилаҳои ҷавон дар доираи маъракаи иттилоотии “16 рӯзи безӯроварӣ” аз ҷониби шуъбаи кор бо занон ва оилаи мақомоти иҷроияи ҳокимияти давлатии вилоят дар  ҷамоати деҳоти Ёваи ноҳияи Бобоҷон Ғафуров бо занону духтарони деҳаи Сартӯқай маҳфили «Кошонаи саодат» баргузор гардид. Ба маҳфил зиёда аз 20 нафар занону духтарони хонашин ва оилаҳои муҳоҷирони меҳнатӣ ҷалб  шуданд.
Бино ба иттилои Кумитаи кор бо занон ва оилаи назди Ҳукумати ҶТ, дар давоми се рӯз ба иштирокчиён одоби муошират, муносибати байниҳамдигарӣ аз нуқтаи равонӣ, баланд бардоштани маданияти рӯзгордорӣ ва ҳуқуқи зан аз нигоҳи қонун ва шариат омӯзонида шуд.
Ҳамзамон дар маҳфил ба ду нафар ҷавон, ки хоҳиши оила бунёд кардан доранд, оид ба маърифати оиладорӣ суҳбат гузаронида, ба онҳо китоби “Кошонаи саодат” тақдим карда шуд.