Таҳлили махзани маълумотии Афғонистон, Покистон ва Тоҷикистон

Душанбе, 2.12.2014. (АМИТ «Ховар», Мавҷуда Анварӣ).-  Дирӯз дар таълимгоҳи Агентии назорати маводи нашъаовари кишвар   барои 24 корманди мақомоти ҳифзи ҳуқуқи ҷумҳуриҳои Исломии Афғонистон,   Покистон ва Тоҷикистон тренинг дар мавзӯи «Гузаронидани таҳқиқот ва таҳлили махзани маълумот бо истифодаи барномаи махсусгардонидашудаи i2» оғоз гардид.
Тӯли ин муддат иштирокчиён аз рӯи истифодаи барномаи «Microsoft Office Excel» ҳангоми омода кардани маълумоти оморӣ, «i2» ҳангоми таҳлили гуфтугӯҳои телефонӣ ва «iBase Designer» таълим мегиранд.   
Тренинг аз ҷониби дастурдиҳандагони минтақавии Раёсати СММ оид ба маводи нашъаовар ва ҷинояткорӣ дар Осиёи Марказӣ ва мушовирони байналмилалӣ аз Аврупо гузаронида шуда, 5 рӯз идома меёбад.