Суғд: дуввумин ҳолати заҳролудшавӣ аз оғози сол
Хуҷанд, 23.01.2015. (АМИТ Ховар, Абдуаҳад Шарифзода).-Дар вилояти Суғд боз як оилаи ҷавон дар паи истифодаи ангишт заҳролуд гаштааст. Тавре ки ба хабарнигори АМИТ Ховар корманди РВКД ҶТ дар вилояти Суғд М.Юсупов иттилоъ дод, ҳодисаи мазкур шаби 20 ба 21 январ ба вуқӯъ омадааст. Ба иттилои манбаъ, ҷавони 24- сола Аҳадчон Ҳоҷибоев ва ҳамсари ӯ Ӯғулой Ҳоҷибоеваи 20- соларо, ки ҳарду сокинони ноҳияи Конибодом, ҷамоати деҳоти Ҳамробоев, деҳаи Кучкак мебошанд, наздиконашон саҳарии 21 январ дар ҳолати беҳушӣ, яъне заҳролудшавӣ аз бӯи ангишт дарёфт намудаанд.
Пас аз дастрас намудан ба бемористони ноҳиявӣ ҳамсари ҷавон Аҳадчон Ҳоҷибоев аз сабаби зиёд будани заҳролудшавӣ ба худ наомада фавтидааст. Ҳамсараш алъон дар шуъбаи эҳё мебошад.
Бояд зикр кард, ки дар шимоли кишвар аз оғози соли 2015 ин аллакай дувумин ҳодисаи заҳролудшавии оилаи ҷавон ба шумор меравад.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
