Созишномаи навбатӣ бо Кипри шимолӣ
Душанбе, 21.04.2015. (АМИТ «Ховар», Раъно Нусратуллозода).-Чанд рӯз қабл бо ташаббуси шуъбаи робитаҳои байналмилалии Донишкадаи молия ва иқтисоди Тоҷикистон (ДМИТ) ректори донишкада Ашурбой Солиев бо доктор Меҳмет Алӣ Юкселен, ректори Донишгоҳи аврупоии Лефкеи Кипри Шимолӣ ва Каролина Смокина, муовини ректори ҳамин донишгоҳ вохӯрии судманд доир намуд.
Ба иттилои котиби матбуоти донишкада Машҳура Абдуллоева ректор ба меҳмонон доир ба фаъолияти таълимиву тарбиявӣ ва равобити хориҷии донишкада, сохтор ва ихтисосҳои он маълумоти муфассал дод.
Меҳмет Алӣ Юкселен зикр намуд, ки муассисаи таълимии онҳо ният дорад бо ДМИТ ҳамкории густурдаро дар самти зинаҳои бакалаврият ва магистратура ба роҳ монад. Дар мулоқот созишномаи дуҷониба оид ба ҳамкорӣ дар самти таълимӣ, илмию тадқиқотӣ ва фарҳангӣ аз тарафи ҳар ду муассисаи таълимӣ ба имзо расид.
Бояд гуфт, ки ДМИТ бо макотиби олии ин кишвар таҷрибаи ҳамкории устувор дар ҷодаи мубодилаи донишҷӯён дорад, зеро ду нафар донишҷӯи донишкада Малика Раҷабова, донишҷӯи курси 3, факултети ҳисобдорӣ ва омор ва Муҳаммад Шоев, донишҷӯи курси 3, факултети молия ва қарз дар Донишгоҳи шарқии Баҳримиёназамини Кипри Шимолӣ дар зинаи бакалавр дар муддати як семестр таҳсил намуда, ба ватан баргаштанд.
23-24 апрели соли равон дар меҳмонхонаи «Шератон» 16-умин Намоишгоҳи байналмилалии таълимӣ-туристӣ ва инноватсионӣ (НБТТИ-2015) доир мегардад, ки дар он донишгоҳи мазкур низ дар баробари дигар макотиби олии хориҷӣ муаррифӣ мешавад.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
