Ҷалби муовинони вазири мудофиа ва фармондеҳони Қувваҳои мусаллаҳ ба омӯзиш
Душанбе, 15.07.2015. (АМИТ «Ховар», Лайло Тоирӣ).- Аз аввали моҳи июл даври дуюми омӯзиш дар Қувваҳои мусаллаҳи Ҷумҳурии Тоҷикистон оғоз гардид, ки дар он на танҳо афсарону сарбозони қисму воҳидҳои низомӣ, балки муовинони вазири мудофиа, фармондеҳони навъҳои Қувваҳои мусаллаҳ, сардорони Раёсату хадамоти алоҳидаи дастгоҳи марказии Вазорати мудофиа ва Ситоди генералӣ, зертобеони онҳо ва дар маҷмӯъ, хизматчиёни ҳарбии ҳамаи сатҳу зинаҳои Артиши миллӣ ҷалб мешаванд.
Бино ба иттилои хадамоти матбуоти Вазорати мудофиа, барои фанҳои дақиқи низомӣ тамоми синфхонаҳои қисмҳои ҳарбӣ бо асбобҳои аёнии дарсӣ ва дигар дастгоҳу лавозимоти омӯзишӣ муҷаҳҳазанд.
Барои баргузории машғулиятҳои назариявию амалии саҳроӣ, ки мувофиқи нақша аз рӯи мавзӯъҳои омодагии ҷангӣ, тактикию тирандозӣ, муҳандисию оташфишонӣ, рондани техникаҳои вазнини зиреҳпӯши ҳарбӣ, дарсҳои тайёрии ҷамъиятӣ-давлатӣ ва маълумот бардоштан аз авзои сиёсии дохиливу бурунмарзӣ мегузаранд, афсарони пуртаҷриба вобаста мегарданд.
Дар анҷоми машғулиятҳо доир ба натиҷаи таълим ва дониши андӯхта аз хизматчиёни ҳарбӣ санҷиш гирифта мешавад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
