Дар Чкалов ба 70 кӯдаки ятиму бепарастор кумак расониданд

Чкалов, 15.07.2015. (АМИТ «Ховар»).-Дар арафаи таҷлили иди саиди Фитр беш аз 70 нафар кӯдакони ятиму бепарастор ва аз оилаҳои ниёзманди шаҳри Чкалов аёдат шуда, ба онҳо аз ҷониби мақомоти иҷроияи ҳокимияти давлатии шаҳр кумаки моддӣ расонида шуд. 
Дар ин бора Наргис Абдувоҳидова, сармутахассиси комиссия оид ба ҳуқуқи кӯдак дар шаҳри Чкалов хабар дод.
Ин иқдом дар асоси дастуру супоришҳои Сарвари давлат Эмомалӣ Раҳмон ҷиҳати дастгирии қишри ниёзманди ҷомеа роҳандозӣ гардида, илова бар ин аёдати шахсони яккаву танҳо ва ниёзманд низ дар назар дошта шудааст.
Зимнан, дар шаҳри Чкалов 18 кӯдаки ятими кулл, 166 нимятим ва 107  кӯдаки маъюб ба қайд гирифта шуда, онҳо зери ғамхориҳои пайвастаи Ҳукумати Ҷумҳурии Тоҷикистон қарор доранд.