Омода намудани кадрҳои миллӣ барои рушди санъати касбӣ

Душанбе, 21.07.2015. (АМИТ «Ховар», Ситораи Боймурод).- Тибқи иттилои Вазорати фарҳанги Ҷумҳурии Тоҷикистон ҳоло дар ҷумҳурӣ 17 муассисаи театрии касбӣ, 5 муассисаи консертӣ, 12 ансамбли шашмақомхонон, 1 ансамбли бачагонаи мақомхонон, 51 ансамбли оилавӣ, 23 театри халқӣ, 23 ансамбли тарона ва рақс, 6 филармонияи халқӣ фаъолият менамояд.
Ҷиҳати омода намудани кадрҳои миллӣ барои санъати касбӣ дар ҷумҳурӣ 3 мактаби олӣ, 5 коллеҷи фарҳанг ва санъат, 2 мактаб- интернати махсуси санъату мусиқии ҷумҳуриявӣ, 84 мактаби ибтидоии санъат ва мусиқӣ фаъолият дорад.