Вакилони палатаи поёнии Парлумони кишвар ба рухсатӣ баромаданд
Душанбе, 01.07.2015.(АМИТ «Ховар», Марзия Саидзода).- Шурӯъ аз 1 июл мувофиқи дастури Маҷлиси намояндагони Маҷлиси Олии Ҷумҳурии Тоҷикистон вакилони палатаи поёнии Парлумони Тоҷикистон ба рухсатии меҳнатӣ баромаданд. Муҳаммадато Султонов-котиби матбуотии Маҷлиси намояндагон ба АМИТ «Ховар» иттилоъ дод, ки рухсатии меҳнатии вакилони палатаи поёнии Парлумони кишвар якуним моҳ идома меёбад.
15 август вакилон ба фаъолият шурӯъ намуда, лоиҳаи қонунҳоеро, ки барои хулоса ба Парлумони кишвар пешниҳод гардидаанд, меомӯзанд. Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати панҷум 1 октябри соли равон оғоз мегардад.
Мавриди зикр аст, ки палатаи поёнии Парлумони Тоҷикистон аз 63 вакил иборат буда, дар он 6 ҳизби сиёсии кишвар -Ҳизби Халқии демократии Тоҷикистон, Ҳизби Аграрии Тоҷикистон, Ҳизби ислоҳоти иқтисодии Тоҷикистон, Ҳизби сотсиалистии Тоҷикистон, Ҳизби демократии Тоҷикистон ва Ҳизби коммунистии Тоҷикистон намоянда дорад. Вакилони палатаи поёнии Парлумони Тоҷикистон ба муҳлати панҷ сол интихоб мегарданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
