Амрико рабудани 230 шаҳрванд дар «Ал-Қарятайн»-ро маҳкум кард

Душанбе, 10.08.2015. (АМИТ «Ховар»,Тоҷиддин Аҳмадзода).- Амрико амали ноҷавонмардонаи ДИИШ-ро дар хусуси рабудан ва пинҳон кардани 230 шаҳрванди бегуноҳ, ки дар байни онҳо занону кўдакон низ ҳастанд, ба шиддат маҳкум кард. Зимни як баёнияе, ки он дар сомонаи Вазорати корҳои хориҷии Амрико нашр гардида аст, ноиби сухангўи Вазорати корҳои хориҷии Амрико Морк Тунер аз ДИИШ талаб кардааст, ки тамоми шаҳрвандони рабудашударо бидуни ягон шарт озод намояд. Ў таъкид кардааст, ки ин ҷиноят бори дигар ваҳшӣ будани ин созмони террористӣ ва ҷиноятҳои онро, ки зидди ҳадафҳо ва ақидаҳои заҳрогини онҳо аст,  исбот кард. 
Мавриди ёдоварист, ки ДИИШ рўзи панҷшанбе  230 шаҳрванди бегуноҳро, ки дар байни онҳо занону кўдакон низ ҳастанд, дар шаҳри «Ал-Қарятайн» рабуда, пинҳон карда буд.