Авбошӣ дар боғи «Дӯстии халқҳо»
Душанбе 24.08.2015, (АМИТ «Ховар»).- Мувофиқи иттилои Вазорати корҳои дохилаи мамлакат 22-юми августи соли равон гурӯҳи ҷавонон дар боғи «Дӯстии халқҳо» тартиботи ҷамъиятиро вайрон намуда, аз сари авбошӣ сокини 25 солаи шаҳри Душанберо латукӯб карда, сипас бо корд ба қафаси синааш зарба заданд ва аз ҷойи ҳодиса фирор карданд. Дар натиҷаи гузаронидани чораҳои фаврӣ- ҷустуҷӯӣ муайян карда шуд, ки вайронкунандагони тартиботи ҷамъиятӣ сокинони пойтахт-ҷавонони 22, 24, 30 сола мебошанд, дар миёни онҳо ҳамчунин навраси 16 сола низ будааст. Яке аз ҳамлагарон қаблан бо моддаи 244-и Кодекси ҷиноятии Ҷумҳурии Тоҷикистон суд шудааст. Ҷавонони авбош боздошт шуданд, нисбат ба онҳо парвандаи ҷиноятӣ оғоз гардида, тафтишоти ҳодисаи мазкур идома дорад.
Мавриди зикр аст, ки ҷабрдида бар асари ҳамлаи авбошон зарари ҷисмонӣ гирифта, дар беморхона бистарӣ мебошад.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
