Кумаки раиси ВМКБ ба оилаҳои аз офати табиӣ зарардида

Хоруғ, 07.07.2015. (АМИТ «Ховар», Хосият Худоёрбекова). — Раиси ВМКБ  Шодихон Чамшед ба оилаҳои аз офати табиӣ зарадидаи ноҳияи Шугғнон   кумакҳои навбатии  пулӣ расонид. Ба хонаводаҳое, ки пурра зарар дидаанд, ба маблағи 1500 сомонӣ ва  хоҷагиҳое, ки қисман  таҳриб шуданд, 600 сомонӣ ба ҳар яке  кумак карда шуд.
Илова бар ин ба сарвари ҳар оила  100-сомонӣ  ва аъзоёни  ҳар оила  50-сомонӣ  кумаки яквақта расонида шуд.
Ба оилаи Муллофирдавс Саидаҳмадов, сокини деҳаи Барсеми ноҳияи Ванҷ, ки дар натиҷаи офати табии   хонаи истиқоматиаш пурра зери об монда, чонашро аз даст дод, аз номи Президенти кишвар Эмомалӣ Рахмон   10-хазор сомони  кумак карда шуд.
Мақомоти маҳаллии ҳокимияти давлатии  вилоят  ба хотири расидагӣ ба мушкилоти  мардуми маҳал  дар шаҳраки хаймавӣ   ситоди  Раёсати вазорати корҳои дохилиро таъсис доданд. Кормандони раёсати мазкур  дар баробари дигар корҳо, барои  бенавбат соҳиби шиносномахои нав шудани ҷабрдидагон фаъолият доранд.