Иттиҳоди Аврупо тадбирҳои Тоҷикистонро дар мубориза бо гурӯҳи ҷиноятпеша дастгирӣ кард
Душанбе, 11.09.2015. (АМИТ «Ховар»).- Дирӯз, 10 сентябри соли 2015 бо ташаббуси ҷониби Иттиҳоди Аврупо суҳбати телефонии Вазири корҳои хориҷии Ҷумҳурии Тоҷикистон Сироҷидин Аслов бо Муовини Дабири кулли Хадамоти амалиёти хориҷии Иттиҳоди Аврупо Ҳелга Шмидт баргузор гардид.
Дар рафти суҳбат Ҳ.Шмидт ҳамлаи мусаллаҳонаи гурӯҳи ҷинояткоронро, ки 4 сентябр сурат гирифта боиси ҳалокати кормандони мақомоти ҳифзи ҳуқуқ дар шаҳрҳои Душанбе ва Ваҳдат гардид, маҳкум кард.
Ҳ.Шмидт ҳамдардии худро ба наздикони қурбоншудагон баён намуда, қайд кард, ки Иттиҳоди Аврупо тадбирҳои андешидаи Ҳукумати Тоҷикистонро барои боздошти гурӯҳи ҷинояткорон, ҳифзи амнияти давлатӣ ва субот дастгирӣ мекунад.
Ҳ.Шмидт таъкид намуд, ки Иттиҳоди Аврупо омодааст, ҳамкории зичро бо Ҷумҳурии Тоҷикистон дар соҳаи амният, аз ҷумла мубориза бар зидди терроризм идома диҳад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
