Намоиши «Гўшаи экологӣ» дар муассисаи таҳсилоти умумии №24

Душанбе, 01.10.2015. (АМИТ «Ховар»).-  Дирӯз  дар муассисаи таҳсилоти умумии №24- и ноҳияи Фирдавсии шаҳри Душанбе оид ба муҳтаво ва зарурати қабули «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» вохўрӣ баргузор гардид. 
Дар чорабинӣ намояндагон аз  муассисаи мазкур, Раёсати ҳифзи муҳити зисти шаҳри Душанбе, Маркази ахбори экологӣ ва маркази захиравии Орхуси назди Кумитаи ҳифзи муҳити зисти назди Ҳукумати Ҷумҳурии Тоҷикистон иштирок намуда  дар бораи «Барномаи давлатии комплексии рушди тарбия ва маърифати экологии аҳолии шаҳри Душанбе дар давраи то соли 2020»  сухан гуфтанд.  
Дар чорабинӣ «Гўшаи экологӣ», ки маҳсули тахайюли эҷодии хонандагони мактаби мазкур буд, ба намоиш гузошта шуд. 
Дар интиҳои семинар омўзгорону хонандагон андешаҳои худро дар бораи барномаи маҷмӯавии баррасишуда ва дигар масъалаву мушкилоти ҷойдоштаи ҳифзи муҳити зист ва роҳҳои беҳтарсозии он баён доштанд.