Саркашӣ аз супоридани андоз дар ҳаҷми махсусан калон
Душанбе, 15.10.2015 (АМИТ «Ховар»).-Кормандони милитсияи пойтахт соҳибкоронеро дастгир карданд, ки аз супоридани андоз саркашӣ кардаанд. Бино ба иттилои Вазорати корҳои дохилии кишвар рӯзи 1 октябри соли равон дар натиҷаи гузаронидани чорабиниҳои фаврию ҷустуҷӯӣ аз ҷониби кормандони Раёсати мубориза бар зидди ҷиноятҳои муташаккили ВКД як далели саркашӣ аз супоридани андоз дар ҳаҷми махсусан калон муайян ва ошкор шуд.
Маълум гардид, ки марди 42-солаи сокини шаҳри Душанбе, сармуҳосиби ҶДММ «ДТТ» якҷоя бо директори коргоҳи мазкур, сокини 38-солаи пойтахт, дар дидбонгоҳи гумрукии шаҳри Душанбе, маҳсулоти вориднамудаи соҳибкоронро бо мақсади ба даст овардани даромади муфт ба номи ҷамъияти мазкур ба расмияти гумрукӣ даровардаанд.
Номбурдагон аз моҳи марти соли 2014 то августи соли 2015 дидаю дониста дар асноди муҳосибавӣ амалиёти андозбандишавандаро ба миқдори махсусан калон нишон надода, аз пардохти андоз ба маблағи 2 млн. 805 ҳазору 216 сомонӣ саркашӣ намудаанд. Нисбат ба далели мазкур парвандаи ҷиноятӣ оғоз гардида, тафтиш дар ин самт идома дорад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
