Се аъзои КМИР бозхонд мешаванд

Душанбе, 26.10.2015.(АМИТ «Ховар»).-Ваколати се аъзои  Комиссияи марказии интихобот ва раъйпурсии Ҷумҳурии Тоҷикистон пеш аз муҳлат қатъ мешавад. Дар иртибот  ба ин  дар ҷаласаи Шӯрои палатаи поёнии Парлумони кишвар, ки 26 октбяр таҳти раёсати Шукурҷон Зуҳуров-раиси Маҷлиси намояндагон доир гардид, пешниҳоди Президенти Ҷумҳурии Тоҷикистон дар бораи бозхонд намудани Вера Наимова,  Ҷамолиддин Маҳмудов ва Акбаралӣ Сатторов аз ҳайати Комиссияи марказии интихобот ва раъйпурсии Ҷумҳурии Тоҷикистон баррасӣ гардид.
Дар ҷаласа ҳамзамон лоиҳаи қонунҳои Ҷумҳурии Тоҷикистон «Дар бораи санҷиши фаъолияти субъектҳои хоҷагидор», «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2015», «Дар бораи бозори қоғазҳои қиматнок», «Дар бораи монополияҳои табиӣ»,  инчунин «Дар бораи ворид намудани илова ба Кодекси андози Ҷумҳурии Тоҷикистон» муҳокима шуданд.