Дастгирии ҷараёни ислоҳоти соҳаи таҳсилоти касбӣ дар Тоҷикистон
Душанбе, 27. 11. 2015. (АМИТ «Ховар»).-Дар доираи ҳамкорӣ бо Ташкилоти олмонӣ оид ба ҳамкории байналмилалӣ (GIZ) 26 ноябр дар толори «Душанбе-Плаза» семинари омўзишӣ бо иштироки намояндагони вазорату идораҳо, ташкилоту муассисаҳо ва директорони муассисаҳои давлатии таҳсилоти ибтидоии касбию техникии низоми Вазорати меҳнат, муҳоҷират ва шуғли аҳолии Ҷумҳурии Тоҷикистон доир гардид.
Муовини якуми вазири меҳнат, муҳоҷират ва шуғли аҳолии Ҷумҳурии Тоҷикистон Сангинзода Эмин Нўъмон ҳамкории вазоратро бо Ташкилоти олмонӣ оид ба ҳамкории байналмилалӣ (GIZ) дар сатҳи хуб арзёбӣ намуд.
Тавре ки аз Вазорати меҳнат, муҳоҷират ва шуғли аҳолии ҷумҳурӣ иттилоъ доданд, дар кори семинар Лоиҳаи «Дастгирии ҷараёни ислоҳоти соҳаи таҳсилоти касбӣ дар Тоҷикистон» барои мустаҳкам кардани заминаҳои моддию техникӣ, таъмини раванди таълим бо таҷҳизоту техникаи таълимӣ, аёнияту китобҳои дарсӣ, гузаронидани такмили ихтисоси кормандони роҳбарикунанда ва муҳандисию омўзгории муассисаҳои таҳсилоти ибтидоии касбӣ ва марказҳои таълими калонсолон мавриди баҳрабардорӣ қарор гирифт.
Ҳадафи семинари мазкур татбиқи барномаҳои ҳамкорӣ байни вазорат ва Ташкилоти олмонӣ оид ба ҳамкории байналмилалӣ (GIZ) барои солҳои минбаъда мебошад.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
