Хуҷанд: Бунёди бинои баландошёнаи истиқоматӣ барои кормандони соҳаи иҷтимоӣ ва ҳифзи ҳуқуқ
Душанбе, 5.11.2015. (АМИТ «Ховар»).- Дирӯз раиси вилояти Суғд Абдураҳмон Қодирӣ дар маҳаллаи 19-уми шаҳри Хуҷанд ба сохтмони бинои баландошёнаи истиқоматӣ ҳусни оғоз бахшид
Манзили истиқоматӣ 9 ошёна буда, аз 5 қисм ва 140 ҳуҷраи як, ду ва сеошёна иборат хоҳад шуд. Бояд гуфт, ки тибқи нақшаи куллии шаҳр дар ин мавзеъ бунёди 5 адад чунин бинои 9 ошёнаи истиқоматӣ дар назар дошта шудааст. Хонаи истиқоматӣ барои кормандони соҳаи иҷтимоӣ ва ҳифзи ҳуқуқ пешбинӣ шуда, барои сохтмони он 20 миллион сомонӣ аз ҳисоби маблағҳои буҷетӣ равона мегардад. Дар хонаи нави истиқоматӣ 160 оила метавонад соҳиби ҷои зист шаванд.
Раиси вилоят ба меъморону сохтмончиён ва масъулини шаҳрдорӣ тавсия дод, ки дар сохтмони бино ҳамчунин ташкили марказҳои хизматрасонӣ, қароргоҳи нақлиёт ва кӯдакистонро ба эътибор гиранд. Намуди зоҳирии бино бояд тарҳи миллии тоҷикона дошта бошад ва маданияти шаҳрдории ниёгони моро ифода намояд. Пешниҳод шуд, ки дар таъмини эҳтиёҷмандон бо манзил асосан мутахассисони ҷавони хизмати давлатӣ ва ҳифзи ҳуқуқ ба инобат гирифта шаванд.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
