Тоҷикистон беш аз 1,2 миллиард киловатт — соат нерӯи барқро содир намуд

Душанбе, 30.11.15. (АМИТ «Ховар»). — Тоҷикистон  тайи 9  моҳи  соли  равон   беш  аз  1,2  миллиард  киловатт — соат  нерӯи  барқро  содир   намуд. Дар ҷаласаи парлумон  дар  бораи  иҷрои  буҷети давлатии  ҶТ ва дар  бораи Барномаи  истифодаи  судманди   захираҳои  обу  барқ  ва сарфаи  нерӯи  барқ  барои давраи  солҳои  2012 -2016  дар  ин  бора  сухан ронда  шуд.
Дар  ҷаласа  зикр  шуд, ки дар  фасли тобистон  бинобар  дар  бозори  дохилӣ  ба  қадри  кофӣ  истифода нашудани  нерӯи  барқ қисми  ками  он ба  фурӯш  бароварда  мешавад. Имрӯз  бархе лоиҳаҳое  дар  амал  татбиқ  карда  мешаванд, ки  дар  оянда ба  афзудани содир  нерӯи  барқ  ба кишварҳои  дигар  мусоидат  мекунанд. 
Иштирокдорони  ҷаласаи  парлумонӣ изҳор  доштанд, ки камчинии  нерӯи  барқ  дар фаслҳои тирамоҳу  зимистон 2,5 — 3  миллиард  киловатт — соатро ташкил  дода,  ҳаҷми  ҳарсолаи  тавлиди  нерӯи  барқ  дар  кишвар  ба 17  миллиард  киловатт — соат  мерасад. 92,4  фоизи  ҳаҷми  зикршуда  ба  тавлиди  нерӯи  барқ  дар   нерӯгоҳҳои  барқӣ  рост омада,   нишондодҳои тавлиди  нерӯи  барқ   дар  марказҳои барқу  гармидиҳӣ 7,6  фоизро  ташкил  медиҳад.