Ҳалокати пиёдагард дар садамаи нақлиётӣ

Душанбе, 14.12.2015. (АМИТ «Ховар) -Рӯзи 13 декабри соли равон, ронандаи мошини тамғаи “Опел-Астра”, сокини 22-солаи ноҳияи Данғара ҳангоми ҳаракат аз ноҳияи Данғара ба самти шаҳри Кӯлоб, аз уҳдаи идораи воситаи нақлиёт набаромада, пиёдагарди шахсияташ номаълум, тахминан 50-55 сола, миллаташ тоҷикро пахш намудааст. Дар натиҷа пиёдагард ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Барои муайян намудани шахсияти пиёдагард чорабиниҳои фаврӣ-ҷустуҷӯӣ идома доранд.