Дар Хатлону Суғд бештар аз ҳама ҷиноятҳои коррупсионӣ содир шудаанд

Душанбе, 13.12.2015 (АМИТ «Ховар»). — Дар давоми даҳ моҳи соли равон аз ҷониби Агентии назорати давлатии молиявӣ ва мубориза бо коррупсияи Ҷумҳурии Тоҷикистон 1 ҳазору 498 ҷинояти коррупсионӣ ба қайд гирифта шуданд, ки аз ин ҳисоб 443 ҷинояти коррупсионӣ дар вилояти Хатлон, 436 дар вилояти Суғд, 339 дар шаҳри Душанбе, 62 дар ВМКБ, 49 дар минтақаи Рашт ва 22 ҷинояти коррупсионӣ дар водии Ҳисор ошкор шудаанд.
Мувофиқи иттилои ба АМИТ «Ховар» пешниҳодшуда 165 ҷинояти коррупсионӣ дар Мақомоти иҷроияи маҳаллии ҳокимияти давлатӣ, 229 ҷинояти коррупсионӣ дар ҷамъиятҳои саҳҳомӣ, 130 ҷинояти коррупсионӣ дар соҳаи амалиёти бонкӣ, 74 ҷинояти коррупсионӣ дар соҳаи тандурустӣ ва ҳифзи иҷтимоии аҳолӣ, 64 ҷинояти коррупсионӣ дар соҳаи маориф, 26 ҷинояти коррупсионӣ дар Кумитаи давлатии идораи замин ва геодезӣ, 29 ҷинояти коррупсионӣ дар соҳаи кишоварзӣ, 18 ҷинояти коррупсионӣ дар соҳаи саноат, 8 ҷинояти коррупсионӣ дар соҳаи гумрук, 30 ҷинояти коррупсионӣ дар Вазорати адлия, 19 ҷинояти коррупсионӣ дар кумитаи андоз, 16 ҷинояти коррупсионӣ дар Вазорати мудофиа, 53 ҷинояти коррупсионӣ дар Вазорати корҳои дохилӣ, 27 ҷинояти коррупсионӣ дар соҳаи зертобеи Вазорати меҳнат, муҳоҷират ва шуғли аҳолӣ, 346 ҷинояти коррупсионӣ дар дигар вазорату идораҳо ва 264 ҷинояти коррупсионӣ аз тарафи соҳибкорони инфиродӣ содир шудаанд.