Хоруғ: қитъаи бандшудаи роҳ аз кӯҳпора озод гардид

Хоруғ, 2.12.2015. (АМИТ «Ховар»).-Қитъаи  638-уми шоҳроҳи Душанбе- Кӯлоб- Дарвоз- Хоруғ-Мурғоб-Қулма, ки дар    натиҷаи  фаромадани кӯҳпораи азим тайи ду рӯз банд гардид, кушода шуд. Бояд гуфт, ки ин қитъаи харобгардидаи  роҳ  ба   мавзеи Шитобоғи  ноҳияи Шуғнон дохил буда, он  имсол баъди фаромадани  сел  дар деҳаи Барсем ва  хароб гардидани  роҳи асосӣ дар  дарозии  4 км  бунёд гардид.
 Бояд гуфт, ки мавзеи  Шитобоғ яке аз мавзеъҳоест, ки дорои  сангҳои  сиёҳи коркардашон мушкил   мебошад, вале  мутахассисони ватанӣ тавонистанд   бо  меҳнати  шабонарӯзӣ дар муддати 40 рӯз онро  бисозанд. Ин маврид низ   кӯҳпора  бо  ҷалби техникаи муосир  сари вақт тоза карда шуд.